የጌታችን የኢየሱስ ክርስቶስ ጸጋና ሰላም ይብዛላችሁ

መጋቢ እሸቱ ጉርሙ እባላለሁ:: የተወለድኩት በሰፕቴምበር 1952 ሲሆን በቀድሞ አጠራር በአርሲ ክፍለ ሐገር

ስሬ ከሚባል ከተማ አካባቢ በሚገኝ መንደር ነው:: እጅግ የምወዳት ባለቤቴ እመቤት አሩሲ በሞት የተለየችኝ

ሲሆን ጌታ ጽዮን እሸቱ፣ ሩት ጉርሙ እና ግሬስ ጉርሙ በሚባሉ ውድ ልጆች ባርኮኛል::

የሁለተኛ ደረጃ ትምህርቴን በአርሲ ክፍለ ሐገር በአሰላ ከተማ የጨረስኩ ሲሆን፣ ከኩባ መንግስት የነጻ ትምህርት

ዕድል ስላገኘሁ የእንሰሳት ሐኪም (ዶክተር) በመሆን የዩኒቨርሲቲ ትምህርቴንም አጠናቅቄአለሁ::

ጌታ ኢየሱስ ለመንግስቱ ሥራ እንደጠራኝ ሳረጋግጥ በጀርመን ጴንጤቆስጤ አብያተ ክርስቲያናት ኅብረት (BFP)

የሚሰጠውን የሦስት ዓመት የነገረ መለኮት ትምህርት ወስጄ በሴፕቴምበር 2010 በመጋቢነት ተሾሜአለሁ::

የኢትዮጵያ ወንጌላዊት ቤተ ክርስቲያን ፍራንክፈርት ከተመሰረተችበት ከኤፕሪል 1990 ጀምሮ ጌታ በሰጠኝ ጸጋ

በታማኝነት ያገለገልሁ ሲሆን ከጃኗሪ 2012 ጀምሮ ደግሞ የቤተ ክርስቲያንዋ መጋቢ በመሆን እያገለገልኩ

እገኛለሁ:: ቤተ ክርስቲያናችን በሽማግሌዎችና በመጋቢዎች ጥምረት በጋራ የምትመራ Team

Leadership ሲሆን ለአሰራር እንዲመች ሽማግሌዎቻችን ትኩረታቸው በአብዛኛው በአስተዳደሩ እና

በፋይናንሱ ላይ ነው:: መጋቢዎቹ ደግሞ በአብዛኛው የሚያተኩሩት መንፈሳዊው ሥራ ላይ ሲሆን

ማንኛውም ዓይነት ውሳኔ ግን የሚወሰነው በጋራ በመሆን ነው::

የውስጥ ረሃቤ እና ናፍቆቴ በቤተ ክርስቲያናችን የእግዚአብሔር ክብር ተገልጦ ብዙዎች እንዲድኑ፣ የዳኑት ደግሞ

እውነተኛ የየሱስ ደቀመዝሙር እንዲሆኑና ሁላችንም በጋራ በሐልዎቱ ውስጥ ሆነን በመንፈስና በእውነት ጌታን

እንድናመልክ ነው::